ಸನ್ಮಾರ್ಗ ತಪ್ಪಿದವರಿಗಾಗಿ ಮಾರ್ಗದರ್ಶನದ ಪ್ರಾರ್ಥನೆ (#9446)

ಯಾರು ಸನ್ಮಾರ್ಗದಿಂದ ದೂರವಾಗಿರುವರೋ ಅವರು ನ್ಯಾಯ ಮತ್ತು ಒಳ್ಳೆಯ ಮನಸ್ಸಿನವರಾಗಲು ಉದಾರವಾಗಿ ಸಹಾಯ ಮಾಡೆಂದೂ ಹಾಗೂ ಯಾವುದರಿಂದ ಅವರು ಅಲಕ್ಷ್ಯರಾಗಿರುವರೋ ಅದರ ಬಗ್ಗೆ ಅವರಿಗೆ ಅರಿವನ್ನುಂಟು ಮಾಡೆಂದೂ ನಾವು ದೇವರಲ್ಲಿ ಪ್ರಾರ್ಥಿಸುವೆವು.  ಆತನು ಸತ್ಯವಾಗಿಯೂ ಸರ್ವ ಉದಾರಿಯೂ, ಅತಿ ಕೊಡುಗೈದಾನಿಯೂ ಆಗಿರುವನು.  ಓ ನನ್ನ ಪ್ರಭುವೇ, ನಿನ್ನ ಸೇವಕರನ್ನು ನಿನ್ನ ಕೃಪಾಕಟಾಕ್ಷದ ದ್ವಾರದಿಂದ ಬಹಿಷ್ಕರಿಸದಿರು ಮತ್ತು ನಿನ್ನ ಸಮ್ಮುಖದಿಂದ ಅವರನ್ನು ಹೊರದೂಡದಿರು.  ಅಪ್ರಯೋಜಕ ಘನವಾದ ಭ್ರಮೆಯನ್ನು ಹೋಗಲಾಡಿಸುವಂತೆ ಹಾಗೂ ವ್ಯರ್ಥ ಕಲ್ಪನೆಗಳ ಮತ್ತು ಆಸೆಯ ಮುಸುಕನ್ನು ಹರಿದು ಹಾಕುವಂತೆ ಅವರಿಗೆ ಸಹಾಯ ನೀಡು.  ನಿಜವಾಗಿಯೂ, ನೀನು ಸರ್ವೋನ್ನತವಾಗಿರುವೆ.  ಸರ್ವಶಕ್ತನೂ, ಕೃಪಾಳುವೂ ಆದ ನೀನಲ್ಲದೆ ಬೇರೆ ದೇವರಿಲ್ಲ.

-Bahá'u'lláh
-----------------------

